चाडपर्वमा हुने विकृतिको बारे अभिमुखीकरण
0
0
बुटवल । महिलाहरूको महान् पर्व हरितालिका तिजको अवसर पारेर बुटवलमा रहेको नागरिक संवाद केन्द्रले विभिन्न आमा समूहहरूलाई अभिमुखीकरण गरेको छ ।
चाडपर्व भित्रँदै गर्दा लंङ्गिक हिंसा र विकृति पनि सँगै भित्रिएकोले यसको नियन्त्रण र सतर्कताको लागि अभिमुखीकरण गरिएको हो ।
कार्यक्रममा अभिमुखीकरण गर्दे अधिवक्ता हेमा न्यौपानेले पहिलेको तुलनामा तिज पर्व तथा चाडबाड मनाउने शैलीमा परिवर्तन आएको भए पनि यससङै बिकिृतिहरु पनि आइरहेको बत्ताइन् ।
न्यौपानेले भड्किलो बन्दै आएको तिजमा कहिकतै सुधार भएको देखिएता पनि यसले समाजमा कहि न कहि हिंसा बढिरहेको र देशको अर्थतन्त्रमा धक्का लाग्न पुगेको बताईन । उनी भन्छिन् यस्ता खालका पर्वले लैगिंक विभेद, आर्थिक हिंसा र सामाजीक हिंसा बढेको देखिन्छ ।
उनले तिजको समयमा पनि हिंसा बढिरहेको बताउँदै यसले समाजमा निकै नराम्रो असर पर्ने भएकोले सबैले यसको विषयमा ध्यान दिनुपर्नेमा जोड दिइन् ।
कार्यक्रममा सहभागी राधा भट्टराईले पछिल्लो समय चाडपर्व संस्कृतिका रूपमा भन्दा पनि देखावटीका रूपमा मनाउने चलन आएको सुनाइन ।
उनी भन्छिन्,‘यस्ता खालका चाडले बिहान साँझ ज्यालादारी गरेर खानेहरूलाई गिज्याइरहेको जस्तो लाग्छ । ’
सहभागी विष्णु बोहराले प्रतिस्पर्धामा मनाई यस्ता खालका पर्वले महिला हिंसाका घटना दिनहुँ बढेको हुँदा अब सरल र सहज किसिमले चाडपर्व मनाइनु पर्ने बत्ताइन ।संवाद केन्द्रले समसामयिक विषयमा अन्तरक्रिया तथा छलफल गर्दै आएको छ ।
याे पनि-
नागरिकता विधेयकमाथि बुटवलमा छलफल
लेखकको सम्वन्धमा