पहिरोले पुरिंदा अर्घाखाँचीमा एक पुरुषको मृत्यु

Lumbini Press
भदौ ४, २०८१

262 Shares

पहिरोले पुरिंदा अर्घाखाँचीमा एक पुरुषको मृत्यु

Read Time:1 Minute, 1 Second

वुटवल । अर्घाखाँचीको शितगंगा नगरपालिकामा पहिरोले गोठ पुरिंदा एक जनाको मृत्यु भएको छ । आज बिहान परेको अबिरल वर्षाका कारण शितगंगा नगरपालिका वडा नम्बर- १३, सिमलपानीमा गोठमाथिबाट खसेको पहिरोले पुरिंदा ३५ वर्षिय बिष्णु थापाको मृत्यु भएको जिल्ला प्रहरी कार्यालय अर्घाखाँचीले जनाएको छ ।

पहिरो खस्न थालेपछी पशुचौपाया फुकाउन गोठमा पसेका थापालाई पहिरोले च्याँप्दा घटनास्थलमै थापाको मृत्यु भएको हो । गोठमा थापासंगै एक भैंसीको पाडो र दुई बाख्रा समेत च्याँपिएका प्रहरीले जनाएको छ ।

घटनास्थलमा अहिले उद्धार तथा व्यवस्थापनको काम चलिरहेको वडाअध्यक्ष दुर्गा बहादुर बिसीले बताए ।