बुटवलको वार्षिक कार्यसञ्चालन तालिका स्वीकृत, खर्च कमगर्न कर्मचारीकाे ईन्धन र मोबाईलखर्च कटौती
0
0
बुटवल । बुटवल उपमहानगरपालिकाको कार्यपालिकाको बैठक आइतबार बस्यो । नगरप्रमुख खेलराज पाण्डेयको अध्यक्षतामा बसेको बैठकले वार्षिक कार्यसञ्चालन तालिका स्वीकृत गरेको छ । जसअनुसार मंसिर भित्रउपभोक्ता समितिसँग सम्झौता गर्ने र माघ भित्रै ठेक्का प्रक्रियाबाट सञ्चालनहुने योजनाहरुको सम्झौतागर्ने तालिका स्वीकृत भएको नगर प्रवक्ताशिव रानाले जानकारी दिए।
स्वीकृत तालिकाअनुसार साउनदेखि कात्तिकसम्म योजनाहरुको लगत स्टिमेट गर्ने, उपभोक्ता समिति गठन गर्ने र मंसिरमा सम्झौता गरेर जेठसम्म योजना सम्पन्न गर्नुपर्नेछ । क्रमागत योजनाहरु मंसिरसम्म सम्पन्नगर्ने र जेठभित्र योजनाहरुको सुपरिवेक्षण, अनुगमन र फरफारक गरिसक्नुपर्ने गरी तालिका स्वीकृत गरिएको प्रवक्ता रानाले जानकारी दिए।
नगरक्षेत्रभित्रका अव्यवस्थित बसोबासीको जग्गा ब्लक छुट्याउने काम सम्पन्न भएका जग्गाको नाप नक्शांकन प्रक्रिया अघि बढाउने निणर्य बैठकले गरेको छ । बैठकले नगरको खर्चमा मितव्ययिता अपनाउनका लागि कर्मचारीहरुलाई उपलब्ध गराउँदै आएको इन्धन र मोबाइलखर्च कटौतीगर्ने निणर्य गरेको छ ।
बैठकले बुटवल १५ कर्साघाटमा निर्माण हुने आधुनिकप्रविधियुक्त कृषिउपजथोक बजारसम्बन्धी आयोजना प्राथमिकता प्राप्त आयोजनाका रुपमाअघि बढाउने निणर्य गरेको छ । यस्तै, बैठकले लुम्बिनी बस टर्मिनलको आय ठेक्काको न्यूनतम अंक तोक्ने, आर्थिक कार्यसञ्चालन निर्देशिका २०७८ संसोधन गर्ने, वार्षिक खरिद योजना स्वीकृत गर्ने र कर्मचारी विधेयक २०७९ लोकसेवा आयोगसँग परामर्श गरी अघि बढाउने निणर्य गरेको प्रवक्ता रानाले जानकारी दिए।
प्रतिकृया दिनुहोस्
सम्बन्धित समाचार
- स्वदेशमै राेजगारी दिलाउँदै लम्साल
- बुटवल उपमहानगरपालिका लोकसंस्कृति संरक्षणमा अग्रणी
- बुटवलमा पूर्वाधार निर्माणको तिब्र गति
- पत्रकार महिलालाई जोड्दै र पारिश्रमिक ब्यवस्थापनमा सञ्चारिकाको ध्यान : केन्द्रिय अध्यक्ष पन्थी
- आठाै नगर स्तरीय क्रिकेट मेयर कपकाे उपाधी कपिलवस्तु नगरपालिका वडा २ लाई
- इनरव्हिल मिडटाउनले बनाएको प्रतिक्षालय प्रभावकारी ; राधिकाको सपना पूरा
- पूर्वाधार विकासले सुगम बन्दै सोनारी क्षेत्र
- रुपन्देहीका पत्रकार महिलालाई सञ्चारीका रुपन्देहीको क्षमता अभिवृद्धि तालिम
- बुटवल र मुस्ताङको घरपझोङ गाउँपालिकाले धार्मिक पर्यटन प्रवर्द्धनमा सहकार्य गर्ने
- समृद्धीको बम्पर उपहार ड्राईभरटोलकी जिसिलाई
लेखकको सम्वन्धमा