बालकुमारी मृत्यु प्रकरण : प्रधानमन्त्रीकाे राजिनामा माग्दै सुर्खेतमा प्रदर्शन

सुर्खेत । ललितपुरकाे बालकुमारिमा दुई युवाकाे प्रहरी दमनबाट मृत्यु भएपछि सुर्खेतमा प्रधानमन्त्री पुषपकमल दाहालको राजिनामा माग गर्दै प्रर्दशन गरिएकाे छ ।

मृतकका आफन्त तथा विभिन्न राजनीतिक दलका युवाहरुले सडकमा टायर बालेर गृहमन्त्री नारायणकाजी श्रेष्ठ र भाैतिक पूर्वाधार मन्त्री प्रकाश ज्वालाकाे समेत राजिनामा माग्दै प्रदर्शन गरिरहेका छन् ।
सरकारकाे कार्यशैलीले देशमै सुरक्षाकाे वातावरणकाे ग्यारेन्टी गर्न नसकेकाे भन्दै युवाहरुले सरकारकाे चर्काे विराेध गरेका छन् । मृतकलाई सहिद घाेषणा गर्नुपर्ने, परिवारकाे आजिवन जीवन सुरक्षाकाे ग्यारेन्टी हुनुपर्ने माग उनीहरुकाे छ ।

शुक्रबार भएको उक्त घटनामा दैलेख र अछामका दुईजनाको ज्यान गएको थियो भने मन्त्री ज्वाला सवार सवारी साधनमा आगजनी भएको थियो । कोरियाली भाषा परीक्षाबाट आफूहरूलाई वञ्चित गरिएको भन्दै युवाले प्रदर्शन गरेका थिए । प्रदर्शनले हिंसात्मक रूप लिएपछि जनधनको क्षति भएको थियो ।