सरकारको कार्यशैलीले देश अधिनायकवाद र फासीवादतर्फ धकेलियो : पोखरेल
0
0
बुटवल । नेकपा (एमाले)का महासचिव शंकर पोखरेलले वर्तमान सरकारको कार्यशैलीले देशलाई अधिनायकवाद र फासीवादतर्फ धकेलिरहेको आरोप लगाएका छन् । सरकारले नागरिकका लोकतान्त्रिक अधिकारमाथि नियन्त्रण गर्न खोजेको, सञ्चारमाध्यममाथि हस्तक्षेप गरेको र राज्यका संवैधानिक निकायलाई दबाबमा राखेको उनको दाबी छ ।
सोमबार प्रेस चौतारी रुपन्देहीले आयोजना गरेको पत्रकार भेटघाट कार्यक्रममा बोल्दै पोखरेलले सरकार, संसद् र संवैधानिक निकायहरू अस्तित्वमा रहे पनि मुलुकको सार्वभौमसत्ता, राष्ट्रिय अस्मिता र लोकतन्त्रको भविष्यमाथि गम्भीर प्रश्न उठेको बताए । वर्तमान सरकारको कार्यशैलीले देशलाई संकटतर्फ धकेलिरहेको उनको भनाइ थियो ।
“देशलाई अधिनायकवाद र फासीवादतर्फ जानबाट रोक्न लोकतान्त्रिक अधिकार र संस्थाहरूको संरक्षण आवश्यक छ,” उनले भने ।
पोखरेलले सरकार बाह्य शक्तिको प्रभावमा परेको आशंका व्यक्त गर्दै सरकारको नेतृत्व र कार्यशैलीले नेपालको संवेदनशील भूराजनीतिक अवस्थालाई जोखिममा पारेको टिप्पणी गरे ।
उनले विश्वविद्यालय तथा क्याम्पसमा विद्यार्थी संगठनका गतिविधि नियन्त्रण गर्न खोजिएको र गृह मन्त्रालयमार्फत पेसागत संगठनहरूलाई समेत गतिविधि नगर्न पत्राचार गरिएको भन्दै आपत्ति जनाए । पत्रकारलाई सञ्चारगृहबाटै पक्राउ गर्ने तथा जिम्मेवार पदमा रहेका व्यक्तिहरूबाट पत्रकारलाई धम्की दिने काम भएको आरोप पनि उनले लगाए ।
उनले राज्य सञ्चालनमा देखिएको कार्यशैलीको आलोचना गरे । कार्यकारी भूमिकामा रहेका व्यक्तिहरूका गतिविधि र अभिव्यक्तिले शासन व्यवस्था अपरिपक्व ढंगले सञ्चालन भइरहेको देखाएको टिप्पणी गरे ।
प्रतिकृया दिनुहोस्
- बुटवलमा कार्तिक १५ देखि टिभिएसको एक्सचेञ्ज मेला हुँदै
- बुटवलमा १८ डी प्लस मुभी थिएटर र मिरर मेज सञ्चालनमा
- छोराछोरीको व्यवहारमा आएको परिवर्तन बुझ्न अभिभावकलाई आग्रह, घरमै संवाद गर्नुपर्नेमा जोड
- चाडपर्व लक्षित विशेष सुरक्षा योजना: कपिलवस्तुमा ६४ मोटरसाइकलमा हतियारसहितका प्रहरी टोली र २८८ सीसीटीभीबाट निगरानी
- बुटवल उद्योग वाणिज्य संघका महासचिवका उम्मेदवार बसन्त ढकाल भन्छन् – ‘व्यवसायीका समस्या समाधानमा प्रभावकारी भूमिका खेल्ने छु’
- ३३ वर्षदेखि व्यवसायमा सक्रिय अलिम दिन, व्यापारीको हितमा काम गर्ने प्रतिबद्धता
- युवालाई धर्म र भजनसँग जोड्न नेपाल मानव धर्म सेवा समितिमा आज भजन सन्ध्या हुदै
- मैनाबगरको सूर्योदय प्राविमा १६५ विद्यार्थीको मुख तथा दन्त परीक्षण
- दीप एकेडेमिमा ४ सय विद्यार्थीको दाँत, मुख तथा आँखा परीक्षण
- आधुनिक समाज डेन्टल द्वारा दीप एकेडेमीका १९४ विद्यार्थीको निःशुल्क मुख स्वास्थ्य परीक्षण
लेखकको सम्वन्धमा