सौन्दर्य कला व्यवसायलाई बलियो बनाउन रेनु श्रेष्ठ मैदानमा,महिला सदस्य पदमा निर्वाचित गराउन अपिल

बुटवल । रुपन्देहीका विभिन्न स्थानमा छरिएर रहेका सौन्दर्य कला व्यवसायीलाई बलियो बनाउदै एकताबद्ध बनाउन रेनु श्रेष्ठ चुनावी मैदानमा होमिएकी हुन।
बुटवल उद्योग बाणिज्य संघ रुपन्देहीको ७० औं साधारणसभा तथा २५ औं अधिवेशनमा श्रेष्ठ महिला सदस्य पदमा उम्मेदवारी दिएकी छन। उनले आफुलाइ जिताउन सदस्यहरुलाई अपिल गरेकी छन।
बिगत २० वर्ष देखी सौन्दर्य कला व्यवसायमा आवद्ध अमरपथ अवस्थित साज व्यूटी होम एण्ड ट्रेनिङ् सेन्टर का सन्चालक ब्युटीसियन रेनु श्रेष्ठ सौन्दर्य कला व्यवसायी संघ रुपन्देही जिल्लाको निवर्तमान अध्यक्ष हुन।
साज सिद्धीबिनायक ट्रेडर्स तथा लियोब्स प्रोफेसनल ब्यूटी प्रोडक्टका म्यानेजीङ डाइरेक्टर समेत रहेकि उनी बिगत १२ बर्ष देखि बुटवल उद्योग बाणिज्य संघको सदस्यता प्राप्त गरि २ कार्यकाल वस्तुगत समितीमा रहि सौन्दर्य व्यवसायको क्षेत्रको हकहितमा काम गर्दै आएकि छन। श्रेष्ठ लायन्स क्लब अफ बुटवल सयपत्रीको डाइरेक्टर हुन।