कांग्रेस महाधिवेशन प्रतिनिधि बन्न गुल्मी–१ बाट युवा ब्यवसायी सन्तोष कंडेलद्वारा उम्मेद्वारी घोषणा
0
0
बुटवल । नेपाली कांग्रेसको १५औँ महाधिवेशनअन्तर्गत गुल्मी क्षेत्र नं. १ बाट ३५ वर्षमुनिको युवा क्लस्टरतर्फ युवा व्यवसायी सन्तोष कंडेलले महाधिवेशन प्रतिनिधिमा उम्मेदवारी घोषणा गरेका छन्।
गुल्मीमा आगामी असोज १२ गते क्षेत्रीय अधिवेशन हुँदैछ। क्षेत्रीय अधिवेशनबाट महाधिवेशन प्रतिनिधि चयन हुने भएकाले कंडेलले युवा क्लस्टरतर्फ आफ्नो उम्मेदवारी घोषणा गरेका हुन्।
कंडेलले २०७१ सालमा लुम्बिनी बाणिज्य क्याम्पसबाट विद्यार्थी राजनीतिमा प्रवेश गर्दै आफ्नो राजनीतिक यात्रा सुरु गरेका थिए। राजनीतिसँगै सामाजिक तथा व्यावसायिक क्षेत्रमा समेत सक्रिय उनी लायन्स क्लब अफ लुम्बिनी सिटीका चार्टर प्रेसिडेन्टका रूपमा जिम्मेवारी निर्वाह गरिसकेका छन्।
त्यस्तै,रोटर्र्याक्ट डिस्ट्रिक्ट ३२९२ नेपाल–भुटानका असिस्टेन्ट डिस्ट्रीक्स्ट ट्रेजरर तथा बुटवल जेसीजका सदस्यसमेत रहेका कंडेल होटल, कन्स्ट्रक्सन, ट्राभल तथा इभेन्ट म्यानेजमेन्टलगायतका व्यवसायमा सक्रिय छन्।
उनी रुपन्देही होटल रेस्टुरेन्ट ब्यवसायी संघ रुपन्देहीका सदस्य हुन।
युवा पुस्ताको सक्रिय सहभागिता र नेतृत्व विकास आवश्यक रहेको बताउँदै कंडेलले कांग्रेस संगठनलाई थप सुदृढ बनाउन आफ्नो अनुभव, ऊर्जा र क्षमतालाई पार्टीमा प्रयोग गर्ने उद्देश्यले महाधिवेशन प्रतिनिधिमा उम्मेदवारी दिएको बताएका छन्।
गुल्मीमा क्षेत्रीय अधिवेशन नजिकिएसँगै विभिन्न क्लस्टरबाट महाधिवेशन प्रतिनिधिका आकांक्षीहरूले उम्मेदवारी घोषणा गर्ने क्रम बढेको छ।
प्रतिकृया दिनुहोस्
- वेल्टेन प्रोफेसनलको उत्पादन तथा आधुनिक सौन्दर्य प्रविधिबारे प्रशिक्षण
- सैनामैना–८ कांग्रेस सभापतिमा २८ वर्षीय किरण तिवारी निर्विरोध
- सैनामैनामा कांग्रेस वडा सभापतिका उम्मेदवार पोख्रेलको निःशुल्क एम्बुलेन्स सेवासहित पाँचबुँदे प्रतिबद्धता
- सैनामैना–७ को सभापति बन्न शिवराज पोख्रेल उम्मेद्वार
- भोटेकोसी बाढी प्रभावितका लागि रोयल जिम एन्ड फिटनेसको ७० हजार सहयोग
- विपत्तिमा परेका सौन्दर्यकर्मीको पीडा : ‘कति बगे, कति बेपत्ता छन्, सरकारलाई तथ्यांक चाहियो’
- बाढीपीडितको घाउमा होराइजन गौतम बुद्धको मलम, उद्धार कोषमा ५ लाख ८० हजार सहयोग
- लुम्बिनीका १ हजार २०६ पत्रकार बीमाको दायरामा
- सिद्धबाबा मन्दिरबाट ४ धार्मिक जलार्पण यात्रा, ४ हजार बढी दर्शनार्थी सहभागी
- लुम्बिनीका मुख्यमन्त्री आचार्यले पाए विश्वासको मत
लेखकको सम्वन्धमा