एभरेष्टमा हाजिरीजवाफ प्रतियोगिता

बुटवल । बुटवल–८ सुख्खानगरमा अवस्थित एभरेष्ट इङलिस बोर्डिङ स्कुलमा हाजिरीजवाफ प्रतियोगिता सम्पन्न भएको छ । विद्यार्थीहरुमा अन्तरनिहित प्रतिभाको प्रस्फुटन गर्ने उद्देश्यले आयोजित उक्त प्रतियोगितामा विज्ञान संकाय कक्षा ११ र १२ का ४ वटा सदनको सहभागिता रहेको थियो । विद्यालयका सहप्राचार्य तथा अतिरिक्त क्रियाकलाप विभाग प्रमुख भीमसेन गौतमको सभापतित्व, प्राचार्य कृष्ण न्यौपानेको प्रमुख आतिथ्य, उप प्राचार्य उमेश रेग्मी र विज्ञान संकाय संयोजक डा. शालिकराम भण्डारीको आतिथ्यमा भएको प्रतियोगिताको संयोजन तीर्थराज अर्यालले गर्नु भएको थियो । विद्यार्थी अदिती अधिकारी र स्नेहा गौतमको संचालनमा भएको प्रतियोगितामा सगरमाथा हाउस प्रथम र अन्नपूर्ण हाउसले द्वितीय स्थान हासिल गरे । विजयी प्रतियोगीहरुलाई पुरस्कार तथा प्रमाणपत्र वितरण गर्दै विद्यालयका प्राचार्य कृष्ण न्यौपानेले विद्यार्थीहरुको सर्वाङ्गीण विकासकालागि विद्यालय अहोरात्र लागिपरेको र त्यसमा विद्यार्थीको सक्रिय सहभागिता आवश्यक रहेको विचार व्यक्त गर्नुभयो । सहप्राचार्य भीमसेन गौतम, उपप्राचार्य उमेश रेग्मी र विज्ञान संयोजक शालिकराम भण्डारी लगायतका वक्ताहरुले विजयी प्रतियोगी विद्यार्थीहरुलाई बधाई दिदै निरन्तर सहभागिताको कामना गर्नुभएको थियो ।