अन्तरास्ट्रिय शान्ति दिवसको अवसरमा दिप प्रज्वलन

बुटवल । अन्तर्राष्ट्रिय शान्ति दिवसको अवसरमा छलफल तथा दिप प्रज्वलन गरिएको छ।
मानव अधिकारको लागि महिला एकल महिला समुह रुपन्देहीको आयोजना तथा क्रुवे विस्ट्रोको आर्थिक सहयोगमा बुटवल अस्पताल लाईनमा दिप प्रज्वलन गरिएको हो।
कार्यक्रमको बुटवल उपमहानगरपालिका वडा ६ का अध्यक्ष लोकनाथ न्यौपानेले उद्घाटन गरेका थिए।

उनले नेपाल एक शान्त राष्ट्र रहेको बताउदै यसको कार्यान्वयनमा ध्यानदिन आग्रह गरे।शान्ति घरबाट शुरु हुने भन्दै उनले घरदेखी टोल, समाज र राष्ट्र शान्त हुने भएकोले त्यसतर्फ ध्यान दिन आग्रह गरे।

कार्यक्रममा प्रदेश अध्यक्ष जानकि घिमिरे, प्रहरी सहायक छबिलाल पोखरेल, इलाका प्रशासन कार्यालयका शाखा अधिकृत ज्ञानकुमारी भुसाल , जिल्ला अध्यक्ष राधिका श्रेष्ठ, सचिव रिता सेन, कार्यसमिति सदस्य समिति गोमा कुमारी बस्याल लगायतले बोलेका थिए ।