मनसुन थप सक्रिय : विभागले भन्यो अति भारी वर्षा हुनसक्छ
0
0
काठमाडौं । पछिल्ला दिन देशका धेरै भूभागमा पानी परेको छ । शनिबार (असार २७) पनि काठमाडौंसहित देशका सातै प्रदेशका विभिन्न स्थानमा वर्षा भएको जल तथा मौसम विज्ञान विभागले जनाएको छ ।
केही स्थानमा यति बेला (शनिबार बेलुका ६ः१५) पनि पानी परिरहेको छ । हाल देशभर मनसुनी वायुको प्रभाव रहेको विभागले जनाएको छ ।
“हाल मनसुनको न्यूनचापीय रेखा पश्चिममा सरदर स्थानभन्दा केही माथि र पूर्वमा नेपालको तराई भूभागनजिक रहेको छ,” विभागले भनेको छ ।
आइतबार र सोमबार (असार २८–२९) कोसी, वाग्मती र गण्डकी प्रदेशको पहाडी भूभागका थोरै स्थानमा ‘भारी’देखि ‘धेरै भारी’ वर्षाको पूर्वानुमान छ । मधेसलगायत कोसी, वाग्मती र गण्डकी प्रदेशको तराई भूभागका एक–दुई स्थानमा पनि भारीदेखि धेरै भारी वर्षाको सम्भावना रहेको विभागले जनाएको छ ।
“कोसी, वाग्मती र गण्डकी प्रदेशको पहाडी भूभागको एक–दुई स्थानमा अति भारी वर्षाको पनि सम्भावना रहेको छ,” विभागले भनेको छ ।
मनसुन सक्रिय भई भारीदेखि ‘अति भारी’ वर्षाको पनि सम्भावना रहेकाले ती क्षेत्रमा गेग्य्रान बहाव, बाढीपहिरोजस्ता विपद्को जोखिम हुनसक्छ । आवश्यक सावधानी अपनाउन विभागले आग्रह गरेको छ ।
जोखिम वा क्षतिबाट बच्न तथा यसबाट ती क्षेत्रहरूमा दैनिक जनजीवनलगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा असर पर्ने सम्भावना रहेकोले आवश्यक सावधानी अपनाउनुहुन र विभागको पछिल्लो सूचनामा अद्यावधिक रहनुहुन अनुरोध छ,” विभागले शनिबार बेलुका जारी गरेको मौसम पूर्वानुमान बुलेटिनमा उल्लेख छ ।
कुनै स्थानमा २४ घण्टामा ५० देखि १०० मिलिमिटरसम्म पानी पर्नुलाई ‘भारी’ वर्षा भनिन्छ । १० देखि ५० मिलिमिटरसम्म पानी परे ‘मध्यम’ वर्षा भनिन्छ । १० मिलिमिटरसम्म पानी परे ‘हल्का’ वर्षा भनिने विभागले जनाएको छ ।
कुनै स्थानमा २४ घण्टामा १०० देखि २०० मिलिमिटर पानी पर्नुलाई ‘धेरै भारी’ वर्षा भनिन्छ । २४ घण्टामा २०० मिलिमिटरभन्दा धेरै पानी परे ‘अति भारी’ वर्षा भनिने विभागले जनाएको छ ।
प्रतिकृया दिनुहोस्
- लुम्बिनी वाणिज्य क्याम्पस र चैतन्य एकेडेमी नेपालबीच सहकार्य सम्झौता
- ‘ह्वाइट एलिफेन्ट’ बन्ने जोखिममा बिआईसिसि, पुनर्जीवनका लागि अभियन्ता प्रकाशका ७ उपाय
- रास्वपाको केन्द्रिय सदस्यमा अमृत भुसालको उम्मेदवारी घोषणा
- होराइजन गौतम बुद्ध मा.वि.मा अभिमुखीकरण कार्यक्रम सम्पन्न
- लुम्बिनीमा सडक दुर्घटना ः मृतकहरुको ग्राफ उकालो लाग्दै
- गणतन्त्र दिवसमा लुम्बिनीले दुईदिन कार्यक्रम गर्ने
- कपिलवस्तुमा यात्रुवाहक बस दुर्घटना : ३८ जना घाइते
- बुटवलमा एडभान्स्ड एस्थेटिक्स र हेयर स्टाइलिङ सम्बन्धी सेमिनार सम्पन्न
- दीप बोर्डिङबाट ७ जना विद्यार्थीले एसईईमा ४ जिपिए ल्याए
- प्रदेश सभामा चर्कियो बहस : बजेटदेखि सुशासनसम्म सरकारलाई दबाब
लेखकको सम्वन्धमा