कपिलवस्तुकाे नेपाल–भारत नाका तीन दिनका लागि बन्द

कपिलवस्तु । भारतको उत्तरप्रदेशस्थित सिद्धार्थनगर नगर जिल्लामा यही जेठ १२ गते हुने लोकसभा निर्वाचनका लागि सीमा नाका बेलुका ९ गतेदेखि देखि तीन दिनका लागि बन्द गरिएको जिल्ला प्रशासन कार्यालय कपिलवस्तुले जनाएको छ ।

प्रमुख जिल्ला अधिकारी विश्व प्रकाश अर्याल खुला सीमाका कारण बढ्नसक्ने सुरक्षा चुनौतिका कारण नाका बन्द गरिएको जानकारी दिए। नाका बन्द रहेका बेला एम्बुलेन्सलगायत अत्यावश्यक सेवालाई दुवै देशका सुरक्षाकर्मीको समन्वयमा कुनै अवरोध नहुने पनि उनको भनाइ छ।

निर्वाचनलाई लक्षित गरेर दुई देशका सीमा क्षेत्रमा मदिराको बेचविखन र सेवनमा समेत रोक लगाइएको छ । लोकसभा निर्वाचनलाई दशगजा क्षेत्रमा दुवै देशका सुरक्षाकर्मीले संयुक्त रूपमा गस्ती गर्दैआएका छन्।