यशोधरा गाउँपालिकाले दियो आगलागी पीडित  ३१ परिवारलाई राहत

कपिलवस्तु । जिल्लाको यशोधरा गाउँपालिकाका आगलागी पीडित ३१ घरपरिवारलाई राहत प्रदान गरिएको छ। गाउँपालिका,दलित सामाजिक विकाश केन्द्र र युनाईटेड मिसन टु नेपालले यशोधरा गाउँपालिका वडा १ पकडी र राजापुरमा  गत वैशाख ७ गते भएको आगलागीका पीडित  ३१ घरहरूलाई राहत सामाग्री बितरण गरिएको हो।
प्रतिपरिवारलाई  ९ हजार १ सय ६८ बराबरको सामाग्री वितरण गरिएको गाउँपालिका अध्यक्ष शिवदयाल तिवारीले बताए।
राहत स्वरूप ४० किलो चामल , ६ किलो दाल , ५ लिटर तेल,   २ किलो दालमोट , १ काटुन चाउचाउ , २० किलो पिठो , २० किलो चियापती लगायतको समान दिएको यनाईटेड मिसन टु नेपाल बिपद ब्यवस्थापन फोकल पर्सन मीलसेन श्रेष्ठले  जानकारी दिए ।