श्रम आप्रवासन नितिको मस्यौदा माथी बुटवलमा अन्तरक्रिया

बुटवल । श्रम रोजगार तथा सामाजिक विकास मन्त्रालयले श्रम/आप्रवासन नितिको मस्यौदा माथी लुम्बिनी प्रदेशका सरोकारवालाहरुसंग छलफल तथा परामर्श गरेको छ।

बिहिवार बुटवलमा आयोजित कार्यक्रममा मस्यौदाको खाका तथा मुलभूत विषयगरुमाथी छलफल गराउन कार्यक्रम आयोजना गरेको मन्त्रालयले जनाएको छ।
मन्त्रालय अन्तरगत रहेको श्रम आप्रवासन मस्यौदा समितीका सदस्य सचिव तथा मन्त्रालयका उपसचिव दिपक ढकालले नयाँ नितिको बारेमा सबैका रायसुझाब सहित परिमार्जन र नितिको प्रभावकारिता बढाउनको लागि कार्यक्रम आयोजना गरिएको बताए।

कार्यक्रममा श्रम तथा रोजगार कार्यालय बुटवलका कार्यालय प्रमुख कृष्ण प्रसाद खनालले यो कार्यक्रमबाट उठेका सुझाबले मस्यौदा बलियो बन्दै लक्षित समुदायलाई फाईदा पुग्ने विश्वास गरे।

कार्यक्रममा मस्यौदा समिती सदस्य डा. अमृता शर्माले मस्यौदाको खाका तथा मुलभुत विषयहरुको बारेमा प्रस्तुतीकरण राखेको मन्त्रालयका लेखा अधिकृत बिमल दवाडिले जानकारी दिए ।

कार्यक्रममा रोजगार संयोजकहरु, तीन तहका रोजगार संग सम्बन्धि क्षेत्र तथा मन्त्रालय र शाखा, जिल्ला प्रशासन कार्याल, सुरक्षा निकाय,श्रमिक सञ्जाल, शुरक्षित आप्रवासन कार्यक्रमका प्रतिनिधिहरु लगायतले श्रमिक कसरी शुरक्षित गर्ने, सम्बन्धित क्षेत्रको भुमिका तथा जनचेतनाका कामहरुको प्रश्न उठाएका थिए।