प्रगति महिला समूहद्वारा ५१ जनाको निशुल्क थाइराइड परिक्षण

सैनामैना । प्रायः महिलाहरुमा देखिने रोग थाईराईडको अवस्था पत्ता लगाउन र उपचार सहज बनाउन प्रगती महिला समुहले निशुल्क थाईराईड परिक्षण गरेको छ।

सैनामैना-७ एकता टोलमा आशीर्वाद फार्मेसी बुटवलको सहयोगमा निशुल्क थाइराइड परिक्षण गरिएको हो।

प्रगती महिला समूह अध्यक्ष पदमा पोख्रेलको अध्यक्षतामा सम्पन्न उक्त कार्यक्रममा बुद्ध इङलिस बोर्डिङ स्कुलका शिक्षक तथा विद्यार्थी सहित ५१ जनाले थाइराइडको निशुल्क परिक्षण सेवा लिएको अध्यक्ष पोखरेलले जानकारी दिइन।

सामाजिक कार्यहरुमा एकजुट भइ अघि बढ्ने अभिप्रायले स्थापित प्रगती महिला समुहले आगामी दिनमा पनि विभिन्न सामाजिक कार्यहरु गर्दै जाने अध्यक्ष पोख्रेलले बताईन।

आशीर्वाद फार्मेसी बुटवलका संचालक दिनेश पोख्रेलले सामाजिक उत्तरदायित्व अन्तरगतका शिविरमा फार्मेसीले गतिविधि गर्दै आएको बताए।