निर्वाचन आयोगमा सुरक्षा व्यवस्था कडा, कांग्रेस कार्यकर्तालाई रोकियो

काठमाडौं । निर्वाचन आयोगमा सुरक्षा व्यवस्था कडा बनाइएको छ । शुक्रबार (माघ २) दिउँसो काठमाडौंको कान्तिपथस्थित आयोग कार्यालयमा बाक्लो संख्यामा सुरक्षाकर्मी परिचालन गरिएको छ ।

आयोगको गेटबाट भित्र प्रवेश गर्न रोक्न थालिएको छ । विशेष गरी नेपाली कांग्रेसका कार्यकर्तालाई प्रवेश दिइएको छैन । सीमित व्यक्तिलाई कार्ड हेरेर मात्र गेटबाट भित्र पठाइएको छ ।

कांग्रेस उपसभापति विश्वप्रकाश शर्मालगायत पदाधिकारी पनि आयोग पुगेका छन् । पदाधिकारीलाई भने भित्र प्रवेश गर्न दिइएको छ । अरू कार्यकर्तालाई गेटमै रोकिएको छ ।

आयोगमा यस दिन कांग्रेस सभापति गगन थापा र देउवा समूह दुवै टोली जाने सूचनासँगै सुरक्षा व्यवस्था कडा बनाइएको हो ।