प्लान्ट क्वारेन्टाइन नुहँदा राजश्व संकलन गर्न सुठौली भन्सारलाई सकस

कपिलबस्तु । कपिलबस्तुको दोस्रो सबैभन्दा ठुलो भन्सार कार्यालय सुठौली भन्सार कार्यालयमा प्लान्ट क्वारेन्टाइन नुहँदा भन्सार कार्यालय नै बन्दा हुने अवस्थामा पुग्न लागेको छ।
प्लान्ट क्यारेन्टाईन नहुदा लक्ष्य अनुसारको राजश्व संकलन हुन नसकेको कार्यालयको भनाइ छ। लक्ष्य अनुसारको राजश्व संकलन गर्न नसक्दा सञ्चालन हुन पनि गाह्रो हुने कार्यालयले जनाएको छ।
सुठौली भन्सार कार्यालयमा चालू आर्थिक बर्ष २०८०/८१ मा १ अर्ब ८१ करोड लाख राजस्व संकलन लक्ष्य रहेको छ भने साउन सम्म ३ करोड ११ लाख ६४ हजार मात्र राजस्व संकलन भएको सुठौली भन्सार कार्यालयका प्रमुख चुरा बहादुर सतराङीले बताए।
भारतले मुख्य रुपमा चामल नेपालमा प्रतिबन्ध लागेपछि भन्सारमा गाढीनै आउन छाडेको प्रमुखले जानकारी दिए । फलफुल पनि आयात हुने कृष्णनगर र भैरहवाबाट पास भएकोले नाका नै सुक्न स्थिती भईसकेको सुठौली भन्सार प्रमुख सतराङीले बताउछन।
सुठौली भन्सार कार्यालयमा अहिले मुख्य रुपमा आयात दिन ३ देखि ४ गाढी खरानी (सिमेन्ट कच्चा पदार्थ)अहिले यो नाकाबाट पास भएको जानकारी भन्सार कार्यालयले जनाएको छ ।