बुद्ध सामुदायिक टेलिभिजनद्वारा नयाँ वर्ष २०८० को भित्तेपात्तो लोकार्पण

बुटवल । बुटवलमा केन्द्रीय कार्यालय रहेको बुद्ध सामुदायिक टेलिभिजनले नयाँ वर्ष २०८० सालको भित्तेपात्तो लोकार्पण गरेको छ । सोमबार कार्यालयमा एक कार्यक्रमको आयोजना गर्दै नयाँ वर्षको शुभकामना आदान प्रदान कार्यक्रमको आयोजना गर्दै टेलिभिजनले भित्तेपात्रो लोकार्पण गरेको हो ।
बुद्ध सामुदायिक टेलिभिजनका संचालक समितिका अध्यक्ष ओम ज्ञवालीले दर्शक, बिज्ञापनदाता, शेयर सदस्य, कर्मचारीमा नयाँ वर्षको शुभकामना ब्यक्त गरे ।
अहिलेको आर्थिक मन्दीले टेलिभिजनमा पनि प्रभाव पारेको बताउँदै उनले कर्मचारीको निरन्तरको मेहनतले टेलिभिजन अघि बढेको दाबी गरे ।
संचालक समितिका कोषाध्यक्ष अरुण कुमार श्रेष्ठले टेलिभिजनलाई अघि बढाउनको लागि कर्मचारीको ठुलो हात रहेको बताउँदै अबका दिनमा थप उत्साहको साथमा टेलिभिजन अघि बढ्ने बताए।
कार्यकारी प्रमुख विक्रम खड्काले शुभकामना आदान प्रदान कार्यक्रम सहित भित्तेपात्रो बिमोचन गरिएको जानकारी दिए । टेलिभिजनका कार्यक्रम प्रमुख खेमराज रेग्मीको सञ्चालनमा कार्यक्रम सम्पन्न भएको हो ।
लेखकको सम्वन्धमा