सैनामैना–७ को सभापति बन्न शिवराज पोख्रेल उम्मेद्वार
0
0
सैनामैना । नेपाली कांग्रेसको १५औँ महाधिवेशनअन्तर्गत असोज ३ र ४ गते देशभर वडा अधिवेशन हुँदैछ । सैनामैना नगरपालिका–७ को वडा सभापतिका लागि सामाजिक तथा व्यवसायिक क्षेत्रमा सक्रिय शिवराज पोख्रेलले उम्मेदवारी दिएका छन् ।
संघर्षपूर्ण पारिवारिक पृष्ठभूमिबाट हुर्किएका पोख्रेल लामो समयदेखि व्यवसाय, सामाजिक सेवा तथा विभिन्न संघसंस्थामा सक्रिय रहँदै आएका छन् । बुबा नागेन्द्र पोख्रेलको निधनपछि आमाको संघर्ष र दाजुको त्यागमा हुर्किएका उनले पारिवारिक अभावलाई आफ्नो जीवनको संघर्ष र सिकाइको आधार बनाएका छन् ।
रूपन्देहीमा जन्मिएका पोख्रेलले श्री बुद्ध उच्च माध्यमिक विद्यालय हुँदै बुटवल बहुमुखी क्याम्पसबाट अध्ययन गरेका हुन् । उनले विसं २०६७ सालतिर होटल होलिडेसँग जोडिएर व्यवसायिक यात्रा सुरु गरेका थिए । व्यवसायसँगै उनी नेपाल लोकतान्त्रिक होटल व्यवसायी संघ, रूपन्देहीमा सक्रिय भए र नेतृत्वदायी जिम्मेवारीसमेत सम्हालेका छन् ।
पोख्रेल सामाजिक क्षेत्रमा पनि सक्रिय छन् । LEO Club of Sainamaina हुँदै Lions Club of Sainamaina Starमा आबद्ध भएका उनले सन् २०२२/२३ मा फर्स्ट भाइस प्रेसिडेन्ट तथा २०२३/२४ मा अध्यक्षको जिम्मेवारी सम्हालेका थिए । नवप्रतिभा बचत तथा ऋण सहकारी संस्था, नवजीवन सहकारी संस्था तथा लम्टिया डिप ट्युबवेल भूमिगत जल सिँचाइ योजनामा समेत उनले विभिन्न जिम्मेवारी सम्हालेका छन् ।
व्यवसाय र सामाजिक क्षेत्रसँगै पोख्रेल राजनीतिक तथा सामाजिक गतिविधिमा पनि सक्रिय रहँदै आएका छन् । पारिवारिक रूपमा राजनीतिक गतिविधिको प्रभावमा हुर्किएका उनी पछिल्लो समय नेपाली कांग्रेससँगको राजनीतिक यात्रामा सक्रिय छन् ।
वडा सभापतिको उम्मेदवारीसँगै पोख्रेलले स्थानीयस्तरमा पार्टी संगठनलाई थप व्यवस्थित र जनमुखी बनाउने आफ्नो प्राथमिकता रहेको बताएका छन् । उनका अनुसार नेतृत्व पद प्राप्त गर्ने विषय मात्र नभई कार्यकर्ता तथा नागरिकसँग जोडिएर जिम्मेवारी पूरा गर्ने माध्यम हो ।
‘नेतृत्व भनेको अगाडि बसेर आदेश दिने होइन, आवश्यकता पर्दा सबैभन्दा अगाडि उभिएर जिम्मेवारी लिने हो,’ पोख्रेलले भने ।
व्यवसाय, सामाजिक सेवा र संगठनात्मक अनुभवलाई पार्टी संगठनमा उपयोग गर्दै वडा तहमा कांग्रेसलाई थप सक्रिय र जनतासँग जोड्ने लक्ष्यसहित आफूले सभापतिमा उम्मेदवारी दिएको पोख्रेलको भनाइ छ ।
प्रतिकृया दिनुहोस्
- भोटेकोसी बाढी प्रभावितका लागि रोयल जिम एन्ड फिटनेसको ७० हजार सहयोग
- विपत्तिमा परेका सौन्दर्यकर्मीको पीडा : ‘कति बगे, कति बेपत्ता छन्, सरकारलाई तथ्यांक चाहियो’
- बाढीपीडितको घाउमा होराइजन गौतम बुद्धको मलम, उद्धार कोषमा ५ लाख ८० हजार सहयोग
- लुम्बिनीका १ हजार २०६ पत्रकार बीमाको दायरामा
- सिद्धबाबा मन्दिरबाट ४ धार्मिक जलार्पण यात्रा, ४ हजार बढी दर्शनार्थी सहभागी
- लुम्बिनीका मुख्यमन्त्री आचार्यले पाए विश्वासको मत
- समाज रूपान्तरणको अभियानमा युवा जीवनराज आचार्य
- प्युठानमा सामुदायिक वनबाट ७ बन्दुक बरामद
- दाङका सामुदायिक वनबाट ५५ नाल भरुवा बन्दुक बरामद
- राष्ट्रिय परिचयपत्र बनाउन कार्यालयमा सेवाग्राहीको भिड
लेखकको सम्वन्धमा