कपिलवस्तुमा घरजग्गा कारोबार र राजस्व संकलनमा भारी गिरावट, चालु आवमा १४ करोड ७६ लाख राजस्व संकलन
0
0
कपिलबस्तु । कपिलवस्तुको तौलिहवास्थित भूमि प्रशासन कार्यालयमा चालु आर्थिक वर्ष २०८२/८३ मा घरजग्गा खरिद–बिक्री (रजिष्ट्रेशन पास) तथा राजस्व संकलनमा विगतका वर्षहरूको तुलनामा उल्लेख्य गिरावट आएको छ।
भूमि प्रशासन कार्यालय तौलिहवाका प्रमुख उर्मिला केसीका अनुसार चालु आर्थिक वर्षमा जम्मा ८ हजार ४ सय ७४ जनाले मात्र घरजग्गा रजिष्ट्रेशन पास गराएका छन्। रजिष्ट्रेशन गर्नेहरूमध्ये ५ हजार ३ सय ५१ जना पुरुष र ३ हजार १ सय २३ जना महिला रहेका छन्। उहाँका अनुसार यो संख्या अघिल्ला वर्षहरूको तुलनामा निकै कम हो।
घरजग्गा कारोबारमा आएको मन्दीसँगै राजस्व संकलनमा पनि प्रत्यक्ष असर परेको छ। कार्यालयले चालु आर्थिक वर्षमा कुल १४ करोड ७६ लाख ४९ हजार रुपैयाँ राजस्व संकलन गरेको जनाएको छ, जुन विगतका वर्षहरूको तुलनामा उल्लेखनीय रूपमा घटेको हो।
नियमअनुसार संकलित राजस्वमध्ये ६० प्रतिशत स्थानीय तह र ४० प्रतिशत प्रदेश सरकारलाई बाँडफाँड गरिन्छ। यसअनुसार स्थानीय तहले ७ करोड ६७ लाख ६३ हजार रुपैयाँ र प्रदेश सरकारले ५ करोड ११ लाख ६९ हजार रुपैयाँ प्राप्त गरेका छन्।
प्रमुख केसीका अनुसार असार महिनाको राजस्व बाँडफाँड हुन बाँकी रहेको छ। उक्त बाँकी रकम १ करोड ९७ लाख २ हजार रुपैयाँ रहेको उहाँले जानकारी दिनुभयो।
देशभर देखिएको आर्थिक शिथिलता, घरजग्गा बजारमा आएको मन्दी तथा लगानी घट्दै जाँदा मालपोत कार्यालयमा हुने रजिष्ट्रेशन संख्या र राजस्व संकलन दुवैमा गिरावट आएको कार्यालयको निष्कर्ष छ।
प्रतिकृया दिनुहोस्
- रुपन्देहीमा २२८ जनाले गरे आत्महत्या, अधिकांश २६–३५ वर्ष उमेर समूहका
- लुम्बिनीमा ८१ प्रतिशतभन्दा बढी क्षेत्रमा धान रोपाइँ सकियो
- पछिल्लो २४ घण्टामा रुपन्देहीको सैनामैनामा सबैभन्दा बढी वर्षा
- कपिलवस्तुमा एक वर्षमा ७७ जनाको सडक दुर्घटनामा मृत्यु, मोटरसाइकल दुर्घटना सबैभन्दा बढी
- आधुनिक समाज डेन्टलमा स्वास्थ्यमन्त्री घिमिरेको आकस्मिक भ्रमण, मुख स्वास्थ्य सेवामा सहकार्यको प्रतिबद्धता
- लुम्बिनी सहित यी प्रदेश र स्थानमा हुनेछ आज भारी वर्षा
- रोटरी क्लब अफ तिनाउ बुटवलको नेतृत्व माया देवी भट्टराईलाई, सामाजिक अभियानलाई थप प्रभावकारी बनाउने प्रतिबद्धता
- मनसुन थप सक्रिय : विभागले भन्यो अति भारी वर्षा हुनसक्छ
- लुम्बिनी वाणिज्य क्याम्पस र चैतन्य एकेडेमी नेपालबीच सहकार्य सम्झौता
- ‘ह्वाइट एलिफेन्ट’ बन्ने जोखिममा बिआईसिसि, पुनर्जीवनका लागि अभियन्ता प्रकाशका ७ उपाय
लेखकको सम्वन्धमा