रास्वपाको केन्द्रिय सदस्यमा अमृत भुसालको उम्मेदवारी घोषणा

लुम्बिनी प्रेस संवाददाता
असार ३, २०८३

241 Shares

रास्वपाको केन्द्रिय सदस्यमा अमृत भुसालको उम्मेदवारी घोषणा

Read Time:3 Minute, 18 Second

बुटवल । राष्ट्रिय स्वतन्त्र पार्टी (रास्वपा) को ऐतिहासिक प्रथम राष्ट्रिय महाधिवेशनमा स्वास्थ्य तथा जनस्वास्थ्य विभागको केन्द्रीय सदस्य पदका उम्मेदवार अमृत भुसाल (पियुष) ले आफ्नो सशक्त उपस्थिति दर्ज गराएका छन्। बुटवल क्षेत्रका सक्रिय, ऊर्जाशील र दूरदर्शी युवा व्यक्तित्वका रूपमा परिचित भुसाल स्वास्थ्य क्षेत्रको सुधारका लागि निरन्तर आवाज उठाउँदै आएका नाम हुन्।

सामाजिक उत्तरदायित्व, जनस्वास्थ्यप्रतिको समर्पण र युवामाझ बढ्दो लोकप्रियताका कारण बुटवल क्षेत्रका आशालाग्दा नक्षत्रका रूपमा चिनिएका भुसालले स्वास्थ्य सेवामा देखिएका असमानता, पहुँचको अभाव र नीतिगत कमजोरीविरुद्ध स्पष्ट धारणा राख्दै आएका छन्। उनी स्वास्थ्य सेवा धनी र गरिब सबैको समान अधिकार हुनुपर्छ भन्ने मान्यताका पक्षधर हुन्।

उनको उम्मेदवारीले केवल एउटा पदको प्रतिस्पर्धा मात्र नभई स्वास्थ्य क्षेत्रलाई पार्टीको मुख्य एजेन्डाका रूपमा स्थापित गर्ने अभियानको प्रतिनिधित्व गरेको समर्थकहरूको विश्वास छ। स्वास्थ्य सचेतना, जनस्वास्थ्य अभियान तथा नागरिकमुखी नीति निर्माणमा उनको सक्रिय भूमिकाले उनलाई युवा पुस्तामाझ प्रेरणाको स्रोत बनाएको छ।

महाधिवेशन प्रतिनिधिहरूमाझ पनि उनको उम्मेदवारीलाई सकारात्मक रूपमा हेरिएको बताइन्छ। स्वास्थ्य क्षेत्रका चुनौतीलाई नजिकबाट बुझेका, समाधानमुखी सोच भएका र संगठनभित्र समन्वयकारी भूमिका निर्वाह गर्न सक्ने क्षमताका कारण भुसाललाई सक्षम नेतृत्वको रूपमा हेरिएको छ।

“स्वास्थ्य सेवा सबैका लागि, अवसर सबैका लागि” भन्ने दृष्टिकोणसहित चुनावी मैदानमा रहेका अमृत भुसालले स्वास्थ्य तथा जनस्वास्थ्य विभागलाई अझ प्रभावकारी, परिणाममुखी र जनउत्तरदायी बनाउने प्रतिबद्धता व्यक्त गरेका छन्।

रूपन्देही र बुटवल क्षेत्रका धेरै युवाले उनको उम्मेदवारीलाई नयाँ पुस्ताको आवाज, स्वास्थ्य क्षेत्रको आशा र परिवर्तनको सम्भावनासँग जोडेर हेरेका छन्। यही कारणले राष्ट्रिय स्वतन्त्र पार्टीको प्रथम महाधिवेशनमा अमृत भुसालको उम्मेदवारी अहिले विशेष चासो र चर्चाको विषय बनेको छ।