भैरहवामा कांग्रेस क्षेत्रीय सभापति प्रशिक्षणः सहकारी पीडितलाई न्यायदेखि पूर्वाधारबारे बहस
0
0
भैरहवा । रुपन्देहीको भैरहवामा सोमबारदेखि नेपाली काँग्रेसको प्रशिक्षण कार्यक्रम चलिरहेको छ । अहिलेसम्म पार्टीको नेतृत्वमा मुलुकमा आर्थिक, भौतिक र सामाजिक क्षेत्रमा उपलब्धि हासिल भए पनि सर्वसाधरणलाई बुझाउन नसक्दा अपेक्षित परिणाम प्राप्त गर्न नसकिएको प्रशिक्षणका क्रममा बताइएको थियो । सांगठनिक सुधारमार्फत पार्टीलाई नागरिकको पहिलो रोजाई बनाउन नेपाली कांग्रेसले क्षेत्रीय सभापतिका लागि यहाँ सञ्चालन गरेको प्रशिक्षणमा सहकारी पीडितलाई न्याय दिलाउने र अहिलेसम्मका उपलब्धी कसरी जनतामाझ पुर्याउने भन्ने बिषय उठान गरिएका छन् ।
कांग्रेसको नीति, अनुसन्धान तथा प्रशिक्षण प्रतिष्ठानले सञ्चालन गरिरहेको प्रशिक्षणमा मुुलुकभरका एकभन्दा बढी निर्वाचन क्षेत्र भएका जिल्लाका १ सय ३० जना क्षेत्रीय सभापति, १ सय ३० जना क्षेत्रीय प्रशिक्षण प्रतिष्ठान प्रमुख र एउटै निर्वाचन क्षेत्र भएका जिल्लाका क्षेत्रीय सभापति र उपसभापति ७० जना गरेर ३ सय ३० जनाको सहभागिता छ । पार्टीकाका केन्द्रीय पदाधिकारी, बरिष्ठ नेता, जिल्ला, प्रदेशबाट प्रमुख, प्रतिनिधिको सहभागिता छ । सोमबार विभिन्न ६ वटा विषयमा प्रशिक्षण प्रदान गरिएको थियो । दुईजना महामन्त्रीसँगै विषय बिज्ञले सहभागिलाई पार्टीको नीति, कार्यक्रम र भावी रणनीतिबारे बुझाएका थिए ।
‘बुटवलमा शौचालय सफाई गरेर सहकारीमा जम्मा गरेको रकम गुमाएकी सीता दर्जीका बारेमा हामीले कार्यकर्तालाई बुझाउन सक्नुपर्यो,’ सोमबार अपरान्ह वर्तमान समयका समसामयिक मुद्दाका बारेमा प्रस्तुती दिने क्रममा महामन्त्री विश्वप्रकाश शर्माले भने, ‘यहाँबाट फर्केर क्षेत्रमा गएपछि पार्टीको नेतृत्वमा भएका भौतिक पूर्वाधारतर्फका उपलब्धिबारे नागरिक र आफ्नै कार्यकर्तालाई जानकारी दिनुस् ।’ नागरिकलाई अहिले मुलुकमा देखिएका समस्या कसरी र कसका कारण उत्पन्न भए भन्नेबारेमा बुझ्न र बुझाउन अनुरोध गरे । आफ्नो पावरप्वाइन्ट मार्फत वर्तमान मुद्धाबारे शिलशिलेबार प्रस्तुती गरेका थिए ।
प्रशिक्षणको व्यवस्थापन गरिरहेको रुपन्देही क्षेत्र नम्बर ३ का सभापति सुशील गुरुङका अनुसार सोमबारको अन्तिमसत्रमा महामन्त्री गगन थापाले पार्टी संगठन, सदस्यता अभियान, प्रदेश र केन्द्रबीचको अन्तरसम्बन्धबारे प्रशिक्षण दिएका थिए । त्यसमाक्रममा पार्टीको संगठनलाई चुस्त बनाउन भइरहेका प्रयासबारे सहभागीलाई जानकारी दिएका थिए । सोमबार मध्यान्ह सुरु भएको बन्दसत्रमा प्रतिष्ठानका निर्देशक डा. जगदीशचन्द्र पोखरेलले लोकतान्त्रिक समाजबाद–नेपाली कांग्रेसको आर्थिक नीति र अभ्यास बिषयमा कार्यपत्र प्रस्तुत गरेका थिए । प्रतिष्ठानका सदस्य डा. कृष्णप्रसाद पौडेलले नेपाली कांग्रेसको नेतृत्वमा भएका आर्थिक, सामाजिक बिकास तथा तहगत संगठनका बिषयमा कार्यपत्र प्रस्तुत गरेका थिए ।
प्रतिष्ठानका सदस्य विश्वदीप लामिछानेले नेपाली कांग्रेसको संगठन बिस्तारमा प्रविधिको प्रयोग र प्रभावका विषयमा प्रस्तुती दिएका थिए । यसक्रममा सामाजिक सञ्जालको प्रयोगबाट कसरी पार्टीलाई बिस्तार गर्न सकिन्छ भन्नेबारे सहभागीलाई सिकाइएको थियो । प्रतिष्ठानका कार्यकारी निर्देशक डा. बुद्धिमान श्रेष्ठले नेपालमा संघीयता कार्यान्वयनको अवस्था र नेपाली कांग्रेसको दायित्वबारे कार्यपत्र प्रस्तुत गरेका थिए । मध्यान्ह सुरु भएको बन्दसत्रमा पूरै अवधि बसेर पार्टी सभापति शेरबहादुर देउवाले कार्यपत्रको प्रस्तुती सुनेका थिए । क्षेत्रीय सभापति गुरुङका अनुसार मंगलबारपनि बन्दसत्रको कार्यक्रम रहेको छ । सोमबार प्रस्तुत गरिएका विषयमाथि मंगलबार सहभागीबीच छलफल गरिनेछ भने क्ष्ँेत्रीय पार्टी संगठन एवं प्रशिक्षणसित सम्बन्धित विषयमा प्रतिवेदन तयार गरिनेछ । मंगलबार अन्तिममा प्रतिवेदनको प्रस्तुती गर्ने कार्यक्रम रहेको छ ।
प्रशिक्षणको सोमबार बिहान सभापति देउवाले उद्घाटन गरेका थिए । त्यसक्रममा सहभागीलाई सम्बोधन गर्दै उनले कांग्रेस र एमाले सहभागी संयुक्त सरकारलाई थप बलियो र सुदृढ बनाएर लैजानुपर्नेमा जोड दिएका छन् । अहिले एमालेको नेतृत्वको सरकारलाई पार्टीले पूर्ण सहयोग गरेको खण्डमा मात्र भोलि बन्ने कांग्रेस नेतृत्वको सरकारलाईपनि एमालेबाट पूरापुर सयोग मिल्ने सभापति देउवाको भनाई थियो ।
‘मुख्य त ठूला दुई दलको सहभागितामा सरकार गठन भएकाले यो सफल हुनेछ,’ उनले भने, ‘कांग्रेस, एमाले बाहेक दलका साथीहरुपनि सरकारमा समावेश हुनु एकदमै राम्रो कुरा हो ।’ सरकारमा सहभागी नभएका विपक्षी दलको पनि मुलुक सञ्चालनमा ठूलो भूमिका रहेकाले समावेशी चरित्रको लोकतान्त्रिक शासन रहेको उनले बताए । ‘यी सबैकुरालाई मध्येनजर गरेर हामी हाम्रो पार्टी बनाउनतर्फ केन्द्रित हुनुपर्छ,’ उनले भने, ‘भोलिका दिनमा कांग्रेसले बहुमत नै नल्याएपछि पक्कै ठूलो पार्टी बन्ने छ, त्यसका लागि अग्रसर हुनुस ।’
कार्यक्रममा सहभागी पाहुनालाई अन्यसहभागीसँगैं अग्रपङ्क्तीमा राखिएको थियो । प्रशिक्षण कार्यक्रमका अतिथिलाई फुलमाला र खादा पहिर्याइएको थिएन । पाहुनालाई पुष्पगुच्छाले मात्र स्वागत गर्ने परम्परा सुरुवात गरिएको प्रतिष्ठानका संयोजक पूर्णबहादुर खड्काले जनाए । ‘पहिलोपटक सामाजिक सञ्जालको प्रयोगमार्फत पार्टी बिस्तारका सम्बन्धमा पाठ्यक्रम समावेश गरेर छलफल गर्यौ’, उनले भने, ‘संगसंगैं पार्टीको क्रियाशील सदस्यता र सांगठनिक अवस्था र समसायिक मुद्दा लगायत विभिन्न ६ वटा विषयमा बिज्ञहरुले प्रस्तुती दिनुभएको छ ।’
प्रशिक्षणमा सभापति देउवा, उपसभापति खड्का, पार्टीका महामन्त्रीद्वय थापा र शर्मा, पूर्वपार्टी उपसभापति बिमलेन्द्र निधि, गोपालमान श्रेष्ठ, पूर्वमहामन्त्रीद्धय कृष्ण सिटौंला र सशांक कोइराला, कोषाध्यक्ष उमेश श्रेष्ठ, सहमहामन्त्रीद्वय जीवन परियार र भीष्म आङ्दम्वे, गृहमन्त्री रमेश लेखक, परराष्ट्रमन्त्री डा. आरजुराणा देउवा, स्वास्थ्यमन्त्री प्रदीप पौडेल, कानुन मन्त्री अजयकुमार चौरसिया, उर्जामन्त्री दीपक खड्का, अर्जुननरसिंह केसी, डा. प्रकाशरण लगायत नेताको सहभागिता छ ।
प्रतिकृया दिनुहोस्
प्रतिकृया दिनुहोस्
- प्रदेश सभामा चर्कियो बहस : बजेटदेखि सुशासनसम्म सरकारलाई दबाब
- घरबाटै कार्यालयको काम गर्न सरकारको आह्वान
- बुटवलमा प्रदेश स्तरीय कोडिङ, गेम डेभलपमेन्ट तथा एनिमेसन प्रतियोगिता सम्पन्न
- विष्णु पौडेलको अपिल– नीति, नेतृत्व र कार्यशैली फेरौँ
- रुपन्देहीमा कति खस्यो मत
- रुकुम पूर्वमा कांग्रेस उम्मेदवार कुसुम देवी थापा मगरले गरिन् मतदान
- तराईका जिल्लामा आज होली मनाइँदै
- राप्रपा लुम्बिनी प्रदेश अध्यक्ष भन्छन्- रुपन्देही २ का राप्रपामाथी अन्याय हुन्छ, क्षेत्रकाे निर्णयनै आधािकारीक हुन्छ
- निर्वाचनका दिन यी सवारी साधनलाई चाहिँदैन पास
- सैनामैना–७ मा नेपाली काङ्ग्रेस वडा कार्यालय ०७९ निरन्तर चलिरहेको छ, प्रचार कार्यालयमा रुख र चारतारे झन्डा पेन्टिङ
लेखकको सम्वन्धमा