लुम्बिनीमा ८१ प्रतिशतभन्दा बढी क्षेत्रमा धान रोपाइँ सकियो
0
0
बुटवल । लुम्बिनी प्रदेशका धेरै भूभागमा यति बेला रोपाइँ सम्पन्न भएको छ ।
असारको सुरुआतसम्म यहाँका अधिकांश खेत पानीको प्रतीक्षामा बाँझै थिए । तर, मनसुन सक्रिय भई निरन्तर वर्षा भएपछि धमाधम रोपाइँ गरिएको हो । साउन १ गतेसम्म लुम्बिनीमा ८०.६४ प्रतिशत क्षेत्रफलमा धान रोपाइँ सम्पन्न भएको कृषि विकास निर्देशनालय बुटवलले जनाएको छ ।
प्रदेशभर धान रोपाइँ हुने तीन लाख एक हजार ३७२ हेक्टर क्षेत्रफल छ । यसमध्ये दुई लाख ४३ हजार ९५१ हेक्टरमा रोपाइँ सकिएको निर्देशनालयका कृषि प्रसार अधिकृत नवीन गैरेले जानकारी दिए । असार १५ गतेसम्म प्रदेशभर जम्मा २१ प्रतिशत मात्र धान रोपाइँ भएको अवस्था थियो ।
लुम्बिनीका विशेष गरी कपिलवस्तु, रुपन्देही, बाँके, बर्दिया, दाङ र नवलपरासी (बर्दघाट सुस्ता पूर्व)का फराकिला फाँट धान उत्पादनका निम्ति प्रसिद्ध छन् । तराईसँगै पाल्पा, गुल्मी, अर्घाखाँची, प्युठान, रोल्पा र रुकुम पूर्वका पहाडी जिल्लामा पनि धान खेती गरिँदै आएको छ ।
प्रदेशमा सावित्री, सामा मन्सुली, हर्दिनाथ–६, राधा–४, सुक्खा धान–१ र २, गंगासागर–१ र २, खुमल बासमतीलगायत उन्नत जातका धान खेती गरिन्छ ।
यसपालि रोल्पा पहिलो जिल्ला बनेको छ, जहाँ शतप्रतिशत धान रोपाइँ सम्पन्न भएको छ । त्यसपछि नवलपरासी (बर्दघाट सुस्ता पूर्व)मा ९७.५, पाल्पामा ८५, अर्घाखाँचीमा ८०, दाङमा ७७, गुल्मीमा ७६, कपिलवस्तुमा ६०.५, बाँकेमा ६०, प्युठान र रुकुम पूर्वमा ५६/५६ तथा रुपन्देही र बर्दियामा ५५/५५ प्रतिशत रोपाइँ सम्पन्न भएको निर्देशनालयले जनाएको छ ।
प्रदेशकै सबैभन्दा बढी धान उत्पादन हुने कपिलवस्तु, रुपन्देही, नवलपरासी (बर्दघाट सुस्ता पूर्व)लगायत क्षेत्रका अझै केही खेतमा रोपाइँ बाँकी रहेकाले किसान खेतमै व्यस्त देखिन्छन् ।
मौसम अनुकूल रहे बाँकी क्षेत्रफलमा पनि केही दिनभित्रै रोपाइँ सम्पन्न हुने अपेक्षा गरिएको निर्देशनालयका निमित्त निर्देशक रामप्रसाद पाण्डेले बाह्रखरीसँग बताए ।
लुम्बिनीमा आर्थिक वर्ष २०८१/८२ मा धान उत्पादन १३ लाख ५० हजार ८८० मेट्रिक टन पुगेको उनले जानकारी दिए । प्रदेशभर धान खेतीको औसत उत्पादकत्व प्रतिहेक्टर ४.५२ टन रहेको उनले बताए ।
बाँकेमा ३३ हजार ८७० हेक्टरमा धान खेती गर्ने गरिएको छ । नवलपरासी पश्चिममा २० हजार ८८७, रुपन्देहीमा ६३ हजार ५५०, दाङमा ३६ हजार २००, कपिलवस्तुमा ६६ हजार २२५, बर्दियामा ५० हजार १५०, गुल्मीमा ६ हजार ५४१, प्युठानमा ६ हजार हेक्टरमा क्षेत्रफलमा धान रोपाइँ गर्ने गरिएको निर्देशनालयले जनाएको छ ।
प्रतिकृया दिनुहोस्
- कपिलवस्तुमा घरजग्गा कारोबार र राजस्व संकलनमा भारी गिरावट, चालु आवमा १४ करोड ७६ लाख राजस्व संकलन
- रुपन्देहीमा २२८ जनाले गरे आत्महत्या, अधिकांश २६–३५ वर्ष उमेर समूहका
- पछिल्लो २४ घण्टामा रुपन्देहीको सैनामैनामा सबैभन्दा बढी वर्षा
- कपिलवस्तुमा एक वर्षमा ७७ जनाको सडक दुर्घटनामा मृत्यु, मोटरसाइकल दुर्घटना सबैभन्दा बढी
- आधुनिक समाज डेन्टलमा स्वास्थ्यमन्त्री घिमिरेको आकस्मिक भ्रमण, मुख स्वास्थ्य सेवामा सहकार्यको प्रतिबद्धता
- लुम्बिनी सहित यी प्रदेश र स्थानमा हुनेछ आज भारी वर्षा
- रोटरी क्लब अफ तिनाउ बुटवलको नेतृत्व माया देवी भट्टराईलाई, सामाजिक अभियानलाई थप प्रभावकारी बनाउने प्रतिबद्धता
- मनसुन थप सक्रिय : विभागले भन्यो अति भारी वर्षा हुनसक्छ
- लुम्बिनी वाणिज्य क्याम्पस र चैतन्य एकेडेमी नेपालबीच सहकार्य सम्झौता
- ‘ह्वाइट एलिफेन्ट’ बन्ने जोखिममा बिआईसिसि, पुनर्जीवनका लागि अभियन्ता प्रकाशका ७ उपाय
लेखकको सम्वन्धमा