रास्वपामा समाहित हुन नाउपा रुपन्देहीका अध्यक्षसहित ३३ जनाले दिए सामूहिक राजीनामा
0
0
बुटवल । पछिल्लो समय रुपन्देहीमा पार्टि प्रवेशको लर्को छ । एक पछि अर्को पार्टिबाट राष्ट्रिय स्वतन्त्र पार्टिमा प्रवेश गर्नेको ओईरो छ । यसैबिच रञ्जिता श्रेष्ठ नेतृत्वको नागरिक उन्मुक्ति पार्टी (नाउपा) रुपन्देहीका जिल्ला अध्यक्षसहित ३३ जनाले सामूहिक राजीनामा दिएका छन् ।
अध्यक्ष तुल्सी थारुले पछिल्लो समय पार्टीको नेतृत्व तहबाट भएका कतिपय निर्णयहरु, कार्यशैली र संगठन सञ्चालनको प्रक्रियामा गम्भिर असहमति जनाउँदै राजीनामा दिएको बताए ।
कार्यकर्ताको भावना र जनताको चाहनाविपरीत पार्टी अघि बढेको महसुस भएकाले यस परिस्थितिमा सोही पार्टीमा बसिरहनु नैतिक रुपमा उपयुक्त नहुने निष्कर्षमा पुगेको थारुले बताए ।
पुस १९ गतेदेखि लागू हुने गरी पार्टीको सम्पूर्ण जिम्मेवारीहरुसहित साधारण सदस्यबाट समेत राजीनामा दिएको उनले बताए ।
सोमबार नाउपाका पूर्व पदाधिकारी र थरुहट/थारुवान संयुक्त संघर्ष समितिसहित आफूहरु राष्ट्रिय स्वतन्त्र पार्टी (रास्वपा) मा समाहित हुने उनले जानकारी दिए ।
राजीनामा दिनेमा जिल्ला अध्यक्ष थारुसहित वरिष्ठ जिल्ला उपाध्यक्ष राकेश कोइरी, केन्द्रीय सदस्य महेश गिरी, तारादेवी चौधरी, मञ्जु दगोरिया, केशव चौधरी, प्रदेश सदस्य माधव चौधरी, जिल्ला कोषाध्यक्ष राम बहादुर थारु, महिला जिल्ला अध्यक्ष राधा चौधरी लगाउत छन् ।
लेखकको सम्वन्धमा