सामाजिक सुरक्षा कोषमा आबद्धले अव राप्ती प्रतिष्ठानबाट विशेषज्ञसहित उपचार पाउने

लुम्बिनी प्रेस संवाददाता
पुस २३, २०८१

275 Shares

सामाजिक सुरक्षा कोषमा आबद्धले अव राप्ती प्रतिष्ठानबाट विशेषज्ञसहित उपचार पाउने

Read Time:1 Minute, 10 Second

बुटवल । दाङबाट सामाजिक सुरक्षा कोषमा आबद्ध भएका सबैको उपचार अब राप्ती स्वास्थ्य विज्ञान प्रतिष्ठानमा हुने भएको छ ।

प्रतिष्ठानका रजिष्ट्रार प्रा. श्याम लम्सालले सामाजिक सुरक्षा कोषमा आबद्ध व्यक्तिहरूको उपचार अव प्रतिष्ठानमा हुने गरी सम्झौता गरिएको बताए । सम्झौता अनुसार सामाजिक सुरक्षा कोषमा आबद्ध व्यक्तिहरूको सामान्य उपचारदेखि अप्रेसनसम्मको सेवा प्रतिष्ठानबाट उपलब्ध हुनेछ ।

सोमबार काठमाडौँमा प्रतिष्ठानका रजिष्ट्रार लम्साल र सामाजिक सुरक्षा कोषका पदाधिकारीबिच दाङबाट सामाजिक सुरक्षा कोषमा आबद्ध भएकाहरूको प्रतिष्ठानबाट उपचार हुने गरी सम्झौता भएको हो ।

दाङबाट सामाजिक सुरक्षा कोषमा ५ हजारभन्दा बढी व्यक्ति आबद्ध रहेका छन् ।