एक्लै चमत्कार हुँदैन, प्रणालीले परिणाम दिन्छ : गगन थापा
0
0
बुटवल । नेपाली कांग्रेसका सभापति गगन थापाले लोकतन्त्रमा ‘व्यक्तिगत चमत्कार’ सम्भव नहुने बताएका छन् । शुक्रबार (फागुन १५) रुपन्देहीको बुटवलमा आयोजित चुनावी सभामा उनले देश निर्माण सामूहिक प्रयासबाट मात्र सम्भव हुने धारणा राखे ।
“यहाँ कुनै एउटा व्यक्ति आएर चमत्कार गर्ने होइन । डेमोक्रेसी भनेको चमत्कार व्यक्तिले गर्ने पद्धति नै होइन,” उनले भने, “प्रधानमन्त्री एक्लैले तिलोत्तमाको गाउँमा विकास पुर्याउन सक्दैन, त्यसका लागि मेयर, वडा अध्यक्ष र सबै तहको सहकार्य चाहिन्छ ।”
कांग्रेसले अघि सारेको ‘टिम नेपाल’ अवधारणा उनले उल्लेख गरे । उनले संघ, प्रदेश र स्थानीय तहबीच समन्वय अपरिहार्य रहेको बताए ।
संविधान संशोधनका निम्ति बहुपक्षीय सहमति आवश्यक पर्ने भन्दै उनले एकल निर्णय र शासनको प्रवृत्तिले देशलाई अस्थिरतातर्फ धकेल्न सक्ने चेतावनी दिए ।
अबका पाँच वर्षमा देशले ‘गति र ग्यारेन्टी’ दुवै पाउने उनको भनाइ थियो । “स्पिड चाहिन्छ, तर दुर्घटना नहुने सुनिश्चितता पनि उत्तिकै जरुरी छ,” उनले भने ।
थापाले पहाड र तराईको आर्थिक असन्तुलनप्रति चिन्ता व्यक्त गरे । पहाडको अर्थतन्त्र कमजोर हुँदा सहर मात्र समृद्ध हुन नसक्ने उनले बताए । रुपन्देही र बुटवलजस्ता क्षेत्रबाट समेत युवा विदेशिनु चिन्ताजनक रहेको भन्दै उनले शिक्षा, रोजगारी र उत्पादनमुखी नीतिमा जोड दिए । “विकास भनेको केवल पूर्वाधार मात्र होइन,” उनले भने ।
सामाजिक सञ्जालमार्फत फैलने उत्तेजनापूर्ण राजनीतिप्रति सचेत गराउँदै उनले प्रणाली सुधारबिना परिणाम सम्भव नहुने बताए । सडक निर्माण प्रक्रियालाई सरल बनाउन ४१ कानुन संशोधन प्रस्ताव तयार गरिएको जानकारी उनले दिए ।
“देशलाई अगाडि बढाउने र सम्हालेर लैजाने शक्ति कांग्रेससँग छ,” उनले भने ।
प्रतिकृया दिनुहोस्
- निर्वाचनका दिन यी सवारी साधनलाई चाहिँदैन पास
- सैनामैना–७ मा नेपाली काङ्ग्रेस वडा कार्यालय ०७९ निरन्तर चलिरहेको छ, प्रचार कार्यालयमा रुख र चारतारे झन्डा पेन्टिङ
- ५ सय ६८ युवा तरुणदलमा प्रवेश
- गगनले भने– नयाँ बनाउँछौँ भन्नेका भ्रममा नपर्नुस्, ०६४ मा झैँ नपछुताउनुस्
- पुरानाले नसकेको काम अब युवाले गर्छौं : विश्वदीप
- सैनामैनाका वडा नं ३ र ४ मा विश्वदीपको घरदैलो
- कांग्रेसका उम्मेद्वार चुन्नसंग व्यवसायीको गुनासाे – राजधानी सरेपछी बजार चाैपट भयाे, ठाेस निकास दिनुहाेला
- बुटवलमा भोली काँग्रेसको चुनावी सभाः सभापति गगनले सम्बोधन गर्ने
- रुपन्देही–५ मा नयाँ–पुराना दल : कसैलाई विगत दोहोर्याउने त कसैलाई खाता खोल्ने मौका
- रुपन्देही ४ : ०७९ मा लोसपाबाट निर्वाचित शुक्ला जसपाका उमेदवार, दोस्रो भएका यादवको अर्कै दल
लेखकको सम्वन्धमा